ആലി മുസ്ലിയാര്‍, നെല്ലിക്കുത്ത്

പ്രശസ്ത പണ്ഡിതന്‍, എഴുത്തുകാരന്‍, ഖാദിരിയ്യ ത്വരീഖത്തിന്‍റെ ശൈഖ്, ഖിലാഫത്ത് നേതാവ്. ഹി. 1270ല്‍ നെല്ലിക്കുത്ത് എരിക്കുന്നന്‍ പാലത്ത് മൂലയില്‍ ജനിച്ചു. പിതാവ,് സാമൂതിരിയുടെ കരം പിരിവുകാരുടെ പരമ്പരയിലുള്‍പ്പെട്ടിരുന്ന കുഞ്ഞിമൊയ്തീന്‍. മഖ്ദൂം കുടുംബത്തിലെ മുടിക്കോട് ഒറ്റകത്ത് മുഹമ്മദ് മുസ്ലിയാരുടെ മകള്‍ ആമിനയാണ് മാതാവ്.

കാരക്കാടന്‍ കുന്നുമ്മല്‍ കുഞ്ഞക്കമ്മു മൊല്ലയില്‍ നിന്ന് ഖുര്‍ആനും തജ്വീദും മലയാളവും പഠിച്ചു. തുടര്‍ന്ന് നൂറുദ്ദീന്‍ മുസ്ലിയാരില്‍ നിന്ന് ചെറു കിതാബുകള്‍ ഓതിപ്പഠിച്ചു. സൈനുദ്ദീന്‍ മഖ്ദൂം അഖീര്‍, മഖ്ദൂം ചെറിയ ബാവ മുസ്ലിയാര്‍, കൊങ്ങണംവീട്ടില്‍ ഇബ്റാഹിം മുസ്ലിയാര്‍, സയ്യിദ് അഹ്മദ് സൈനിദ്ദഹ്ലാന്‍ മക്ക, മുഹമ്മദ് ഹിസ്ബുല്ലാ സുലൈമാനുല്‍ മക്കി, സയ്യിദ് ഹുസൈനുല്‍ ഹബ്ശി എന്നിവരാണ് മറ്റു ഗുരുനാഥന്മാര്‍. ഉപരിപഠനത്തിനു പൊന്നാനിയില്‍ പോയി. പത്തു വര്‍ഷം മസ്ജിദുല്‍ ഹറമില്‍ താമസിച്ചു. മക്കയില്‍ നിന്ന് തിരിച്ചുവന്നതിനു ശേഷം 1305-1314 വരെ കവരത്തി ദ്വീപില്‍ മുദരിസായി സേവനം ചെയ്തു. പിന്നീട് വണ്ടൂര്‍, പൊടിയാട്, കൊല്ലം, നെല്ലിക്കുത്ത് എന്നീ സ്ഥലങ്ങളില്‍ ദര്‍സ് നടത്തി. 15 കൊല്ലം തിരൂരങ്ങാടി കിഴക്കെപള്ളിയിലും മുദരിസായി സേവനമനുഷ്ഠിച്ചിട്ടുണ്ട്. പതിനാല് തവണ ഹജ്ജ് ചെയ്തു. പ്രസിദ്ധ ചരിത്രകാരന്‍ മര്‍ഹൂം മുഹമ്മദലി മുസ്ലിയാര്‍ പൗത്രനാണ്.

വിവിധ ത്വരീഖത്തുകള്‍ ശരിയായ മശായിഖുകളില്‍നിന്നു നേടി. ഖാദ്രിയ്യ ത്വരീഖത്തിന്‍റെ ശൈഖായിരുന്നു. ബഹുഭാഷാ പണ്ഡിതനായ അദ്ദേഹം ഗ്രന്ഥകാരന്‍കൂടിയാണ് ഹാശിയത്തു തുഹ്ഫത്തുല്‍ ഇഖ്വാന്‍, ഹാശിയത്തു അല്ലഫല്‍ അലിഫ് എന്നിവ അദ്ദേഹത്തിന്‍റെ കൃതികളാണ്. മലബാറില്‍ ആദ്യമായി രൂപീകരിച്ച തിരൂരങ്ങാടി ഖിലാഫത്ത് കമ്മിററിയുടെ വൈസ് പ്രസിഡണ്ടായി തിരഞ്ഞെടുക്കപ്പെട്ടു.

ബ്രിട്ടീഷ് അധികാരികള്‍ നല്‍കിയ റിപ്പോര്‍ട്ടിന്‍റെ അടിസ്ഥാനത്തില്‍ തിരൂരങ്ങാടിയില്‍ ഏതാനും പേര്‍ക്കെതിരെ അറസ്റ്റുവാറണ്ടുണ്ടായി. 1921 ആഗസ്റ്റ് 20ന് മൂന്നുപേരെ പോലീസ് അറസ്റ്റു ചെയ്തു. ആലി മുസ്ലിയാരെ പിടികിട്ടാത്തതിനാല്‍ 1921 ആഗസ്റ്റ് 30ന് വന്‍സന്നാഹത്തോടെ പട്ടാളം തിരൂരങ്ങാടി പള്ളി വളഞ്ഞു. ആലി മുസ്ലിയാരെയും 37 അനുയായികളെയും അറസ്റ്റുചെയ്തു. വിചാരണ പ്രഹസനം നടത്തി. ആലി മുസ്ലിയാര്‍ക്കും പന്ത്രണ്ടുപേര്‍ക്കും തൂക്കുമരവും, ഇരുപത്തിരണ്ട് പേര്‍ക്ക് ജീവപര്യന്തം തടവും, മൂന്നുപേരെ അന്തമാനിലേക്ക് നാടുകടത്താനും വിധിച്ചു. 1921 നവംബര്‍ അഞ്ചിനായിരുന്നു വിധി.

1922 ഫിബ്രുവരി 17-ന് (ഹി: 1340 ജ: ആഖിര്‍ 20ന് ശനി) കോയമ്പത്തൂര്‍ ജയിലില്‍ സുജൂദിലായി അദ്ദേഹം വിട പറഞ്ഞു. മരണശേഷം കൊലക്കയറില്‍ തൂക്കി അദ്ദേഹത്തെ അപമാനിച്ചു എന്നു പറയപ്പെടുന്നു. കോയമ്പത്തൂര്‍ ശുക്രാന്‍പേട്ടയിലാണ് ഖബര്‍.

+ ദേശീയ ന്യൂനപക്ഷ കമ്മീഷൻ വൈസ് ചെയർമാൻ ആതിഫ് റഷീദ് മർകസ് നോളജ് സിറ്റി സന്ദർശിച്ചു

+ അതിപ്പോ സുന്നത്തല്ലേയുള്ളൂ

+ കോവിഡ് രോഗിയുടെ മൃതദേഹം മതാചാരപ്രകാരം സംസ്കരിക്കാം

+ എസ് വൈ എസ് നേതൃത്വ പ്രയാണം

+ സാന്ത്വനം മെഡിക്കൽ ഉപകരണങ്ങൾ സമർപ്പിച്ചു

+ എസ് വൈ എസ് പ്രവർത്തകർ റിഫ്ലക്റ്റർ മിറർ സ്ഥാപിച്ചു

+ എസ് വൈ എസ് കീഴാറ്റൂർ സർക്ളിന് പുതിയ നേതൃത്വം

+ എസ്.എസ്.എഫ് പകലന്തി പ്രക്ഷോഭത്തിന് സമാപനം

+ ധാര്‍മിക പ്രതിരോധം തീര്‍ത്ത് എസ്എസ്എഫിന്‍റെ ജൈത്രയാത്ര

+എസ്എസ്എഫ് രൂപവത്കരണം വളരെ ശരിയായിരുന്നു-ഇസ്മാഈല്‍ വഫ

+ കഷ്ടതകളിൽനിന്നും പ്രയാസങ്ങളിൽ നിന്നും രക്ഷനേടാനുള്ള വഴി

SYS Perinthalmanna
+ എസ് വൈ എസ് മഈശ പെട്ടിക്കട സമർപ്പിച്ചു