സാനിറ്റൈസർ നജസാണോ?

സാനിറ്റൈസർ നജസാണെന്നും അല്ലെന്നും പറഞ്ഞു കേൾക്കുന്നു. ഏതാണ് ശരി. നജസാണെങ്കിൽ അതിന് എന്തെങ്കിലും ഇളവുണ്ടോ?

സാനിറ്റൈസറുകളിൽ ആൽക്കഹോൾ ഉണ്ടെന്നും അത് സാധാരണ മദ്യത്തിൽ ഉപയോഗിക്കപ്പെടാത്തതും മാരക വിഷമാണെങ്കിലും അതും ലഹരി ദ്രാവകമാണെന്നുമാണ് അറിയാൻ കഴിഞ്ഞത്. അതനുസരിച്ച് സാനിറ്റൈസർ നജസാവുന്നു. ലഹരി ദ്രാവകങ്ങളും അതു ചേർന്ന വസ്തുക്കളും നജസാണ്.

നജസാണെങ്കിലും അനിവാര്യ ഘട്ടങ്ങളിൽ അതുപയോഗിക്കൽ അനുവദനീയമാണ്. പക്ഷേ, നിസ്‌കാരത്തിന് മുമ്പ് ശുദ്ധിയാക്കേണ്ടതാണ്.

എന്നാൽ നജസാണെന്ന പ്രചാരണമുണ്ടെങ്കിലും നജസാണെന്ന് ഉറപ്പില്ലാത്ത വസ്തുക്കളെ കുറിച്ച് പണ്ഡിതർക്കിടയിൽ രണ്ടഭിപ്രായങ്ങളുണ്ട്. അതിൽ പ്രബലമായത് അത് ശുദ്ധിയുള്ളതാണെന്ന നിലയിൽ ഉപയോഗിക്കാമെന്നാണെന്ന് കർമശാസ്ത്ര ഇമാമുകൾ വ്യക്തമാക്കിയിട്ടുണ്ട്.

കേക്ക് മുറിച്ച് ബർത്ത്‌ഡേ പാർട്ടി

കുട്ടി ജനിച്ച ദിവസം ഒരു കേക്ക് മുറിച്ചു വേണ്ടപ്പെട്ടവർക്ക് നൽകുന്നത് തെറ്റാണോ. അത് അന്യസമുദായത്തിന്റെ ആചാരം സ്വീകരിക്കലായി പരിഗണിക്കപ്പെടുമോ?

കുട്ടി ജനിച്ച ദിവസം കേക്ക് മുറിച്ച് വിതരണം ചെയ്യുന്നത് തെറ്റല്ല. കുട്ടി പിറന്നതിന്റെ പേരിലോ മറ്റോ സന്തോഷമുള്ള സമയങ്ങളിൽ കേക്കോ മറ്റു പലഹാരങ്ങളോ വിതരണം ചെയ്യുന്നത് നിരോധിക്കപ്പെട്ടതല്ല. പ്രത്യേക കാരണമില്ലെങ്കിൽ പോലും ചെയ്യാവുന്ന കാര്യമാണ് പലഹാര വിതരണവും അന്നദാനവും. നല്ല നിയ്യത്തോടെയാണെങ്കിൽ പ്രതിഫലാർഹവുമാണ്. എന്നാൽ മറ്റു മതക്കാരുടെ മതപരമായ ആചാരങ്ങൾ സ്വീകരിക്കാൻ പാടില്ല. തെറ്റായ വിശ്വാസങ്ങളൊന്നും ഉൾക്കൊള്ളാനും പാടില്ല. ആതൊന്നുമില്ലാതെ കേക്ക് മുറിച്ചു കൊടുക്കുന്നതും പലഹാരം വിതരണം ചെയ്യുന്നതും തെറ്റല്ല. അതു കൊണ്ട് മാത്രം അന്യസമുദായത്തിന്റെ ആചാരം സ്വീകരിച്ചു എന്നു വരില്ല.

രോഗം പകരാതിരിക്കാൻ മയ്യിത്തിനെ ദഹിപ്പിക്കാമോ?

പറ്റില്ല. മയ്യിത്തിനെ കരിച്ചുകളയൽ നിഷിദ്ധമാണ്. രോഗം പകരാതിരിക്കാനുള്ള രക്ഷാ മാർഗങ്ങൾ സ്വീകരിച്ച് മയ്യിത്തിനെ ഖബറടക്കേണ്ടതാണ്.

Articles
+ നിസ്വാർത്ഥതയുടെ (إخلاص) പത്തു ഗുണ ഫലങ്ങൾ

+ കരയിപ്പിക്കുന്ന ബോർഡ്

+ അല്ലാഹുവിനു പകരമില്ല

+ സയ്യിദുല്‍ ഇസ്‌തിഗ്‌ഫാർ سيد الإستغفار

+ ചില ഗുണപാഠങ്ങൾ

+ കുട്ടികൾ ഭക്ഷണം കഴിക്കുമ്പോൾ ശീലിപ്പിക്കേണ്ടവ

+ വേദനക്ക് നന്ദി പറഞ്ഞിട്ടുണ്ടോ?

+ യാസീന്‍ പതിവാക്കുന്നവര്ക്ക് വിജയം

+ ബാബരി കേസ് നാള്‍വഴി

+ തഹജുദ് നിസ്കാരത്തിന് നിർബന്ധ നിസ്കാരത്തിൽ നിന്നും ഭിന്നമായ പ്രാധാന്യങ്ങൾ