ചില ഗുണപാഠങ്ങൾ

മദ്രസയിൽ മോശം നിലവാരമുള്ള ബാലൻ ഉമ്മയുടെ ഖബർ തേടി പള്ളിക്കാട്ടിൽ പോയി.. ഉമ്മയുടെ ചാരത്തിരുന്ന് വേദനയോടെ അവൻ ഉരുവിട്ടു : "എന്റെ കൂടെ വാ ഉമ്മാ.. ടീച്ചർ (ഉസ്താദ്) എന്നെ കുട്ടികളുടെ മുൻപിൽ വെച്ച് അടിച്ചു, അവരെന്നോട് പറഞ്ഞു: നിന്റെ ഉമ്മാക്ക് നിന്നെ വേണ്ട.. നിന്നെ ഉമ്മ നോക്കുന്നില്ലാന്ന്"

(ഓർക്കുക: ചില വാക്കുകൾ കൊല്ലുന്നതാണ്)

വന്ദ്യവയോധികനോട് ആരോ പറഞ്ഞു : "റൊട്ടിക്കൊക്കെ എന്താ വില !? പണ്ട് നിങ്ങൾക്ക് ഒരു ദിനാറിന് കിട്ടിയിരുന്നതല്ലെ..!"

വയോധികൻ: "എനിക്കത് പ്രശ്നമല്ല; ഞാൻ കല്പിക്കപ്പെട്ട പോലെ അള്ളാഹുവിനെ ആരാധിക്കുന്നു. അവൻ വാഗ്ദത്തം ചെയ്തപോലെ എനിക്ക് തരുന്നുമുണ്ട്...!!!"

(ഈമാന്റെയും സൽഭാവനയുടെയും മകുടോദാഹരണം)

റോഡിൽ ഐസ്ക്രീം വണ്ടി നിൽക്കുന്നത് കണ്ടപ്പോൾ കൊച്ചുപെൺകുട്ടി സുജൂദ് ചെയ്തു: കച്ചവടക്കാരൻ ചോദിച്ചു: " മോൾ എന്തിനാ സുജൂദ് ചെയ്തത് ?!" അവൾ: എന്റെ ഉമ്മ സന്തോഷം വരുമ്പോഴെല്ലാം സുജൂദ് ചെയ്യും, അത് കണ്ടിട്ടാ"

( മക്കൾക്ക് നിങ്ങൾ നല്ല ശിക്ഷണം നൽകുക. അന്ത്യദിനത്തിൽ അവരെക്കുറിച്ച് നിങ്ങളോട് ചോദിക്കപ്പെടും)

ഒരാളോട് ചോദിക്കപ്പെട്ടു : താങ്കളുടെ വീടും ജോലി സ്ഥലവും തമ്മിലുള്ള അകലം എത്ര?

അയാൾ : 500 വീതം തസ്ബീഹ്, തഹ് മീദ്, തഹ് ലീൽ എന്നിവയ്ക്കുള്ള ദൂരം!!ഇനി കാൽനടയാണെങ്കിൽ ഇതുപോലെ 1200 വീതം വേണം.

(നോക്കൂ അയാളുടെ ഒരു സമയവും വെറുതെ പോകുന്നില്ല).

സ്ഥിരം പള്ളിയിൽ നിന്ന് വെള്ളം കുടിക്കുന്ന യുവാവിനോട് : എന്താ എന്നും പള്ളിയിൽ നിന്ന് വെള്ളം കുടിക്കുന്നത്, വീട്ടിൽ നിന്ന് വെള്ളം കുടിച്ചു വന്നുകൂടെ?!

" ഞാൻ അങ്ങനെ ചെയ്യുന്നത് ഇവിടെ വെള്ളം വെച്ച വ്യക്തിക്ക് ഇഷ്ടത്തിന് കൂലി കിട്ടാൻ വേണ്ടിയാ..!!"

(വലിയ മനസ്സ് തന്നെ)

വിദേശത്ത് ഒരു പള്ളിയിൽ സ്ഥാപിക്കപ്പെട്ട എ സി കൾ ഫ്രീ ആയി നന്നാക്കി കൊടുക്കുന്ന ലേബറോട്: താങ്കൾ എന്താ ലേബർ ചാർജ് വാങ്ങാത്തത്?

അയാൾ : " പള്ളിയിലെ ജോലിക്ക് പ്രതിഫലം പറ്റരുതെന്ന് ഉമ്മ പറഞ്ഞിട്ടുണ്ട്!!"

(നിങ്ങൾ അയാളുടെ ഉമ്മയെ കുറിച്ച് അത്ഭുതപ്പെടുന്നുവല്ലെ ; ഞാൻ അത്ഭുതപ്പെടുന്നത് അയാൾ ഉമ്മയോട് കാണിക്കുന്ന ഗുണത്തെ ആലോചിച്ചാണ്!)

എന്നും ആ കിളവൻ വൃദ്ധസദനത്തിൽ തന്റെ ഭാര്യയെ സന്ദർശിക്കും. കൂടെ ഇരുന്നു സംസാരിക്കും. അവിടെ തന്നെ ഭക്ഷണമുണ്ടെന്നിരിക്കെ കൂടെ വല്ലതും കൊണ്ടുവരും!

ഒരിക്കൽ ആരോ കിളവനോട് ചോദിച്ചു : "നിങ്ങൾക്കിവരെ അറിയാമോ?"

അതെ, പക്ഷേ പത്ത് വർഷമായി ഓർമ്മ നഷ്ടപ്പെട്ടിട്ട്.. അവൾക്കെന്നെ ഓർമ്മയില്ല, പരിചയമില്ലാത്ത ഭാവമാണ്....

ചോദ്യകർത്താവ്: പിന്നെ എന്തിനാണ് നിങ്ങൾ ഒരുപാട് ദൂരം താണ്ടി ഇവിടെ വരുന്നു? അവർക്ക് നിങ്ങളെ തിരിച്ചറിഞ്ഞു ഒരു പുഞ്ചിരി പോലും സമ്മാനിക്കാൻ കഴിയില്ലല്ലോ...

കിളവൻ : എന്നാലും എനിക്ക് അവളെ അറിയാമല്ലോ.. അവൾ എന്റെ ഭാര്യയും ജീവിതത്തിലെ നല്ലപാതിയുമാണ്.... !!!

Articles
+ കുട്ടികൾ ഭക്ഷണം കഴിക്കുമ്പോൾ ശീലിപ്പിക്കേണ്ടവ

+ വേദനക്ക് നന്ദി പറഞ്ഞിട്ടുണ്ടോ?

+ യാസീന്‍ പതിവാക്കുന്നവര്ക്ക് വിജയം

+ ബാബരി കേസ് നാള്‍വഴി

+ തഹജുദ് നിസ്കാരത്തിന് നിർബന്ധ നിസ്കാരത്തിൽ നിന്നും ഭിന്നമായ പ്രാധാന്യങ്ങൾ

+ വെള്ളിഴായ്ച വിശ്വാസിക്ക്
+ അറബി ഭാഷയുടെ പ്രാധാന്യം
+ മിസ്‌വാക് ചെയ്യുന്നതിൻറെ ഗുണങ്ങൾ