ആശുപത്രി കിടക്കയിലേക് മരുന്നെത്തിച്ച് സാന്ത്വനം പ്രവർത്തകർ

പെരിന്തൽമണ്ണ: മൂന്ന് ദിവസമായി ജീവൻ രക്ഷാ മരുന്ന് ലഭിക്കാതെ പ്രയാസത്തിലായിരുന്ന കിഡ്‌നി രോഗിക്ക് എസ് വൈ എസ് സാന്ത്വനം പ്രവർത്തകർ ആശുപത്രി കിടക്കയിലേക് മരുന്നെത്തിച്ചു. പോലീസിൻറെ സഹായത്തോടെയാണ് സാന്ത്വനം പ്രവർത്തകർ ഇത് സാധ്യമാക്കിയത്. ആലിപ്പറമ്പ് സ്വദേശിയുടെ ബന്ധുക്കൾ ജില്ലാ സാന്ത്വനം ഹെൽപ് ലൈനുമായി ബന്ധപ്പെട്ടതിൻറെ അടിസ്ഥാനത്തിൽ സംസ്ഥാന സാന്ത്വനം പ്രവർത്തകർ കോഴിക്കോട് മെഡിക്കൽ കോളെജ് പരിസരത്ത് നിന്ന് മരുന്ന് ശേഖരിച്ച് കസബ പൊലീസ് സ്റ്റേഷനിൽ ഏൽപിക്കുകയായിരുന്നു. അവിടെ നിന്നും ഹൈവേ പൊലീസ് പെരിന്തമണ്ണ സ്റ്റേഷനിൽ എത്തിച്ചു. തുടർന്ന് എസ് വൈ എസ് സേവനം സെക്രട്ടറിയുടെ നേതൃത്വത്തിൽ മരുന്ന് ആശുപത്രിയിലുള്ള രോഗിയെ നേരിട്ട് ഏൽപിച്ചു.

കോഴിക്കോട് സാന്ത്വനം വളണ്ടിയർ മരുന്ന് കസബ പൊലീസിന് കൈമാറുന്നു.
കഴിഞ്ഞ ദിവസം മണ്ണാർക്കാട് തെങ്കരയിലുള്ള കുട്ടിക്ക് ശരീരത്തിൽ പൊട്ടാസ്യം കുറയുന്നതുമായി ബന്ധപ്പെട്ട അസുഖത്തിനുള്ള മരുന്ന് ആവശ്യപ്പെട്ടതനുസരിച്ച് സാന്ത്വനം പ്രവർത്തകർ പെരിന്തൽമണ്ണയിൽ നിന്ന് മരുന്ന് ശേഖരിച്ച് കാഞ്ഞിരപ്പുഴയിൽ രോഗിയുടെ ബന്ധുവിനെ ഏൽപ്പിച്ചിരുന്നു.ആറ് മെഡിക്കൽ ഷോപ്പുകളിൽ നിന്നായാണ് യഥാർത്ഥ മരുന്ന് സംഘടിപ്പിച്ച് നൽകാനായത്.
അതിഥി തൊഴിലാളികൾക്കാവശ്യമായ സേവനം, ഭക്ഷണ വിതരണം, മാസ്ക് വിതരണം, സാമൂഹ്യ അടുക്കളയിലേക്ക് വിഭവ സമാഹരണം മറ്റു അവശ്യ സേവനങ്ങൾ എന്നിവക്ക് വിവിധ സർക്കിൾ സാന്ത്വനം പ്രവർത്തകർ മേൽനോട്ടം വഹിക്കുന്നു.
സാന്ത്വനം ഹെൽപ് ഡെസ്കിന്റെ പ്രവർത്തനം കൂടുതൽ ഊർജ്ജിതമാക്കാൻ കഴിഞ്ഞ ദിവസം ചേർന്ന എസ് വൈ എസ് സോൺ ഓൺലൈൻ കാബിനറ് യോഗം തീരുമാനിച്ചു. ജനറല്‍ സെക്രട്ടറി ജഅ്ഫര്‍ അഹ്സനി ഉദ്ഘാടനം ചെയ്തു. പ്രസിഡന്‍റ് സയ്യിദ് മുര്‍തള ശിഹാബ് അധ്യക്ഷനായി.

ആശുപത്രി കിടക്കയിലേക് മരുന്നെത്തിച്ച് സാന്ത്വനം പ്രവർത്തകർ

Post a Comment

إرسال تعليق

കുളിപ്പിക്കാത്ത മയ്യിത്തിന് നിസ്കാരം?

نموذج الاتصال